المراجعات والتقييمات
بوبايز ( 4.5 / 5 ) ⭐⭐⭐⭐☆ ( 1679 )
⭐⭐⭐⭐☆
اخيرا رجع لنا بوبايز بعد غياب أكثر من سنة مع وكيل جديد طلبت عن طريق خدمة التوصيل كريم وماشاء الله الطلب وصل بسرعة وكان ساخن طلبت وجبة اربع قطع دجاج سبايسي مع واحد بسكوت عادي وواحد بالشوكولاته وواحد بالبيستاشيو وصوص بافالو وحبة ثوم وبيبسي الدجاج روعة قرمشته ترد الروح والطعم كان مثالي صح انه كان صغير بحكم انه محلي لكن التتبيلة والطعم كان مثالي وحتى البطاطس بالكيجن كان رائع البسكوت العادي وصلني ساخن توه صلحه طعمه كالعادة ممتاز جدا صلصلة البافلو والثوم ممتازين كنت أتمنى الثوم يكون أكثر بحكم انه سعره بريالين ومايجي مع الدجاج لازم تطلبه وتدفع فلوسه اللي ماعجبني بسكوت بالشوكولاته للامانة نفس البسكوت فوقه طبقة من سيروب شوكلاته من جهة واحدة طعمه ماعجبني يمكنني لو كانت طبقة شوكلاته عادية أو كندر أفضل اما البيستاشيو ماجاني وعوضوني بحبتين زيادة بالشوكولاته بدلها يشكروا عليها
⭐⭐⭐☆☆
طلب وجبه المفروض سعرها ٣١ بس خذيتها ب ٢٦ من هنقرستيشن ، البرقر فيه صوص شوي حالي وفيه زيت يغث حلو بس مو واو ، البطاطس بقشرها حلوه بس مافي اي طعم بهارات ،على العموم مااعتقد بشتهيه ثاني
⭐⭐⭐☆☆
اولا التجربة بكل مصداقيه كانت كالتالي طلب دجاج تندر سبايسي. كان ٦/١٠ قطع دجاج سبايسي. ٦/١٠ الاكل كان بمستوى جيد ولكن لن يكرر الدجاج كبير وربي اكلت قطعتين بدون بسكوت شبعت كاني اكلت جمل هههه البطاطس مالحه والي تجي ناشفه لكن مشبعه زيت مو الزيت واضح لا لكن هذا وصف الصوصات انا اشتريتها ماتجي معاها بافلو باربكيو خفيف وربي كانه مويه سلطة كول سلو ٧/١٠ السعر كان غالي مقارنه بالمطاعم المشابهه
⭐⭐☆☆☆
تجربه لن تتكرر .. العامل البنقالي يطفش العميل واسلوبه مُريب ، يمشي على سياسه الشغل البطيء وقت الزحمه عشان ينفرك… الاكل مالح جدا ، ماعنده ثوم ، الي عنده بمسمى ثوم عباره عن مايونيز وبفلوس ، لايوجد تمر كما هو موضح بالإعلان ، ملاحظات كثير حسب رأيي ملاحظه في موظف سعودي جدًا متعاون وهادي ومحترم وكل العملاء يتوجهو له 👍🏽خدوم. لو المطعم ماعنده قدره على العرض لا ينزله ولا يتعامل بهالاسلوب.
⭐☆☆☆☆
في يوم من الايام كان هذا البراند مميز بطعمه واليوم قررت ان لا اطلب منه مره اخرى ولكم القرار حسب تجربتي. الخدمة سيئة جدًا، والموظفون يفتقرون إلى الاحترام والاهتمام بالعملاء. وصلت في وقت غير مزدحم، وانتظرت 3 دقائق دون استجابة. نزلت إلى الفرع ولم أجد أي موظف حتى ناديت عدة مرات، فجاء موظف ببطء شديد وأخبرني أن الطلب سيستغرق 20-30 دقيقة بأسلوب غير مهني. رغم ذلك طلبت، واستغرق تجهيز الطلب 23 دقيقة، وهو وقت طويل لمطعم وجبات سريعة. في تجربة أخرى، وصلني الطلب ناقصًا، وفي مرة سابقة استلمت البرغر بدون الصوص والإضافات رغم طلب ديلوكس، وكان باردًا وكأنه محضر منذ ساعة.
