المراجعات والتقييمات
مضغوط بيتنا ( 4.2 / 5 ) ⭐⭐⭐⭐☆ ( 1123 )
⭐⭐⭐⭐☆
المضغوط ممتاز الرز نثري والدجاج نظيف السلطه- الدقوس ممتاز الطحينه ممتازه اقتراح لخدمة السيارات بدل هالزحمه والانتظار إلا ماله داعي وياخذ وقتك لو احد العاملين يطلع و ياخذ الطلبات أزين لانه مو معقول انتظر ساعة على بال توصل لشباك الطلب وتنتظر نص ساعة حتى يجهز الطلب خلاص المطعم معروف الكل يعرفة ما يحتاج الزحمه إلا شكلها مزعج داخل المحطه او تفعيل رقم الجوال إلا محد يرد عليك ومشغول طول الوقت حط رقم جوال للطبات. تم خصم نجمة من الخدمة نظرا للانتظار الطويل واتمنى تاخذ بعين الاعتبار بخصوص الاجواء ما في جو غير انك تنتظر هل يستحق الزيارة نعم لمحبي المضغوط يستحق وسوف اكرر الزيارة بس اطلب داخل الفرع الله يرزقك من واسع فضله
⭐⭐⭐☆☆
كنت متحمس جدًا لتجربة بس تفاجأت ما فيه ألا طلبات عن طريق السيارة وبصراحة كان الاين طويل وبرضوا كنت آبي اشوف الشغل فامشيت. جيت اليوم اجرب للأمانة الرز او المضغوط بشكل عام حلو بس فيه بعض الملاحظات الكركم طاغي ولون الرز أصفر والبهارات زايدة. كا استوا الرز ممتاز. الطعم بشكل عام ٣.٥/٥ يستاهل التجربة. نجي لسلطة الحارة ٣/٥ عادية والخيار باللبن أقل من عادي ٣/٥. الكريمة(كريمة بيتنا) مره ما ناسبتني طعمها بيض بيض 🥚 ١/٥. المضغوط يستاهل التجربة بس لو يهتمون بالصفار والبهارات شوي وبالتوفيق لهم 🙏🏻
⭐⭐⭐☆☆
عشان اكون حقاني انا مب من عشاق الرز او المضغوط بشكل عام ولكن -مليان دهون وزيوت يعني اذا بتاكل بيدك الله يعينك من نشبة الريحه -طعم البهارات مفقع بشكل كبير ومافيه لذه الصدق -هو تقريبا مضغوط عادي نفسه نفس اي مطعم ثاني الا ان هذا اكثر دهون بكثير -السعر مناسب تقريبا الحبة الكاملة 44 والنص 22 ويمكن هذا اللي يميزه لكن بنهاية الحال اشوفها تجربة عادية
⭐⭐⭐☆☆
التجربة الأولى مضغوط بيتنا منيو بسيط جداً واسعار جداً رائعة للأمانه بعطي تقيمي بكل انصاف اعطي تقيمي 10/6 لكن في حاله خففوا كميه الفلفل الاسود اللي توضع بالرز لكن ممكن البعض يعجبه لان اتكلم عن تجربتي فقط تجربه جيده ممكن اكرر مستقبلاً في حال تغير طريقة اعداد الرز سريعين جدا الطلب اخذ 8دقايق بالضبط الطلب ما اتاخر
⭐☆☆☆☆
للأمانة ما أحب أكون قاسي في التقييم ،، بس أنا تجربتي هي أول مرة ويمكن آخر مرة ما تتكرر بسبب تعامل الموظفين العمال معي. جيت الساعة 5 العصر شفته بقوقل ماب مكتوب "مفتوح " وصلت حصلت كل شيء مقفل، لاحظت داخل فيه عمال، طقيت عليهم الباب أبي أحد يفتح لي أو على الأقل يعطيني اللي حاصل يعني وللأسف ما فيه تجاوب معي، وكل مرة اضرب الباب أبغى أحد يكلمني وللأسف ما فيه أحد يعطيني وجه من العمال على الرغم من أنهم يشوفوني قدامهم اطق وأسألهم هل مفتوح ولا لا؟ يعني كل اللي احتاجه اجابة فقط. للأمانة صدموني بتعاملهم وفيه تقصير بهذا الفرع من ناحية جودة الموظفين ، وين المسؤول عنهم؟ وين لوحات الإرشاد للعملاء؟ لنفترض انه بريك للعمال، معقول ما فيه لوحة إرشاد تكتب أن مثلاً وقت بريك للعمال؟ أو هم من نفسهم سكروا الباب وقرروا يريحون؟؟ وش ذنبي كعميل جاي من مسافة 25 د بعد الدوام وآخر شيء مسكر! والله أعرف كلامي لو يوصل للمسؤول ما يقصر وهذا ما أتمناه وشكرًا..
