المراجعات والتقييمات
برغرايززر ( 4.2 / 5 ) ⭐⭐⭐⭐☆ ( 1854 )
⭐⭐⭐⭐⭐
من افضل الفروع اللي اجيها دائمًا ، الأكل جدًا لذيذ والخدمة مُمتازة وأشكر الموظف السعودي كان ودود وسريع التجاوب وأرجوا زيادة عدد الموظفين في فترة الظهر لأن الفرع دائمًا مُزدحم .
⭐⭐⭐⭐⭐
المطعم رائع مرتب ومنسق المعامله في قمه الاحترام انصح به عندهم عروض قويه الأسعار مناسبه لا يوجد زحام
⭐⭐⭐⭐⭐
كان الأكل لذيذ جداً وأنا زبون دائم لهذا الفرع الخدمة سريعة والأكل فريش والموظف السعودي تعاملة راقي قديم وخبرة فالفرع .
⭐⭐⭐☆☆
برغرايززر كان من مطاعم البرجر المفضلة لي من زمان لكن مع الزمن طبعا صار فيه خيارات افضل ومنافسة له وبقوة. من كم يوم شفت إعلانهم حق كالي برجر و شدني اني اجربه بما انه الهبة حاليا هي تقليد برجر ان ان أوت الأمريكي و محاولة السباق لكسب حصة بسوق البرجر بما انه كاليفورنيا برجر حاليا مستحوذ عليها بالستايل هذا. نتكلم عن التجربة الصراحة المطعم تغير علي عشان ما زرته من وقت طويل. صار فيه طلب ذاتي وفكرته حلوة بس عن نفسي احب اطلب طبيعي من إنسان خصوصا إذا مافيه زحمة. حسيت انه الفرع قد يكون عنده نقص موظفين على الرغم من وجود الطلب الذاتي لأنه تأخر الطلب شوي والمعروف انه الطلب الذاتي يسرع عملية استلام الطلب في مطاعم "الوجبات السريعة". البرجر الصراحة كويس بس ما حسيت انه يستاهل السعر، البطاطس كانت ممتازة كأنها كيرلي فرايز، والصوص كان لذيذ. لكن الحق ما استطاعو إنهم يضبطون الوزنية أبدا أبدا، يعني ما المفروض يسمونه كالي برجر لانه مو قريب منه أبدا. لا يزال كاليفورنيا برجر في المقدمة من هذه الناحية. حتى تجربة بيت الشاورما و سعرهم تعتبر افضل بكثير من تجربة برغرايززر. ما اتوقع توفقوا فيها بس اكيد دايما فيه مجال للتحسن.
⭐☆☆☆☆
الوضع في المطعم ضاااايع واضح ان الادارة فاشلة جداً وغير قادره على ادارة مطاعم رسالة لمدير التشغيل في الشركة: مو معقول ولا انساني ولا منطقي انك تخلي شخصين اثنين بس يشغلون لك المطعم كامل .. والله ثم والله ما احطك مسؤول تشغيل في بوفيه مو سلسلة مطاعم بهالحجم والعدد (المطعم اكتض بالزباين وبقايا الاكل وصار زباااله) رسالة للي ماسك الردود على العملاء؛ وفر ردك ماراح اتواصل على رقم موحد والافضل تروح لمدير التشغيل وتعرض له الوضع اللي صاير
